Psa 12 | NdeIBE | STEP | Kumqondisi wokuhlabela. Ngendlela yesheminithi. Ihubo likaDavida Siza Jehova, ngokuba kabasekho abakholwayo; abathembekileyo sebenyamalele kabasekho ebantwini.

Psalms 12

1 Siza Jehova, ngokuba kabasekho abakholwayo; abathembekileyo sebenyamalele kabasekho ebantwini.

2 Bonke baqamba amanga kubomakhelwana babo; izindebe zabo eziyengayo zikhuluma inkohliso.

3 Sengathi uJehova angaziquma zonke izindebe ezikhohlisayo kanye laluphi ulimi oluzikhukhumezayo

4 oluthi, “Sizanqoba ngezindimi zethu; izindebe zethu ngezethu – ngubani ongumbusi wethu na?”

5 “Khathesi sengizavuka,” kutsho uJehova, “ngenxa yokucindezelwa kwabayanga lokububula kwabaswelayo. Ngizabavikela kulabo ababachukuluzayo.”

6 Njalo amazwi kaJehova kawalamposiso, njengesiliva esicengwe esithandweni somlilo esebumba, sahlanjululwa kakhombisa.

7 O Jehova, uzahlala usiphephisile usivikele ebantwini abanjalo lanini.

8 Ababi bayaklamasa santando nxa bebona izinto ezilihlazo zidunyiswa.